غادة إبراهيم: أخاف الموت وأنا لا أصلي ولا ألبس الحجاب

شبكة المدونون العرب

تحدثت الفنانة غادة إبراهيم عن خوفها من الموت، متمنية أن تقابل الله وهي خالية من الذنوب، كما كشفت إمكانية ارتدائها الحجاب.

وقالت غادة إبراهيم: مش بخاف من الموت ولكن خايفة أموت وأنا مش بصلي ومش لابسة حجاب، ونفسي لما ربنا يطلبني أكون مستعدة وخالية من الذنوب وأي ابتلاء بيخلص من ذنوبنا في الأخرة.

وواصلت غادة إبراهيم: أنا مريت بكل حاجة ممكن الإنسان يتخيلها وأذى وتنمر وخيانة، واحنا مش أحسن من الأنبياء ولما ربنا بيبتلي حد بيكون بيحبه وبيخلص له ذنوبه، وأي حد بيتكلم عليا بياخد ذنوب وبيديني حسنات.

وأضافت غادة إبراهيم: أنا جوايا خير وأي حد قريب مني بيقولي إني جوايا خير، وحتى اللي أذوني معملتش معاهم كدا وعمري ما أذيت بني آدم في حياتي، وبخاف ربنا أوي وبقول أي شر ممكن أعمله ممكن يحصل لأمي أو أسرتي.

وعن إمكانية ارتدائها الحجاب، قالت غادة إبراهيم: الحجاب فرض ربنا وأجلا أم عاجلا هلبسه، وأنا معنديش كبائر لأني مش بقطع صلاة ولا صوم ولا زكاة وعمري ما أذيت حد.

وعلى جانب آخر، سبق وتقدمت غادة إبراهيم ببلاغ ضد إحدى صفحات التواصل الاجتماعي بتهمة السب والتشهير عقب نشر مقطع فيديو يسئ لها، وأكدت غادة إبراهيم في تصريح سابق لـ القاهرة 24 أنها مستهدفة وهناك حملة مدفوعة ضدها لأنها إنسانة بسيطة.

تعديل المقال